Xoán Braxe Exposición

Etiquetas

Castelo de Moeche, Día da Loita da Clase Obreira, democráticas, dereitos laborais, entrega incodicional, Ferrol, Festival Irmandiño, Fonte da Ranita, galegos, Galicia, irmandiños, liberdades, madonna na Villa Soledad, máis esculturas en Ferrol, máis obras na rúa, Moeche, monumento do 10 de marzo, Navantia, xeración de postguerra, Xoán Braxe

A partir de hoxe e os días 18 e 19 teremos ao noso alcance a ocasión de gozar no Castelo de Moeche da exposición de Braxe.

Aquí deixámosvos unha breve biografía para que vos fagades unha idea do artista que hai detrás da súa obra, para comprender e apreciar un pouco máis a súa obra, que en días posteriores iremos ampliando.

BIOGRAFÍA E  DISCIPLINAS ARTÍSTICAS DE BRAXE

Braxe corresponde á xeración de postguerra na que os traballadores daqueles asteleiros, hoxe chamados Navantia ou a antiga Bazán, daban en herdanza aos seus fillos o mesmo oficio. Braxe estudou na Escola Obreira de Bazán nos anos 50 e logo na Escola de Aprendices con 14 anos aprendeu o oficio do seu pai, carpinteiro  de ribeira onde chegou a ser mestre de taller ou sexa ou que enseñaba aos enxeñeiros que eran os seus superiores. Braxe chegou a revolucionar a construcción dos barcos aforrando un ano de traballo e máis da metade da madeira que se precisa para a “cama“ do casco do barco antes de ser botado. Hoxe Braxe non ten un monumento nin cobra un copyright por todo o que ten aportado á empresa pero seguro que cando morra haberá quen fale disto.  Hoxe Braxe está xubilado e continúa a colaborar con todos aqueles colectivos que llo solicitan.

Braxe un artista, Braxe un home comprometido.

Na súa faceta artística Braxe expresa o seu sentimento e a súa conducta ante o mundo. El é unha persoa sinxela, de trato cariñoso, de entrega incodicional. A súa obra é un reflexo da súa personalidade. A sensibilidade pola arte e o seu compromiso social e cívico leváronno a estudiar e practicar diferentes técnicas artísticas. Braxe é autodidacta fundamentalmente. Axudoulle nos comezos co debuxo e coa …..  o artista

Braxe hoxe é o artista con máis obras na rúa, con máis esculturas en Ferrol:

1. O monumento do 10 de marzo no que se homenaxea aos traballadores de Bazán pola loita das liberdades democráticas e os dereitos laborais personalizada nos dous obreiros Amador y Daniel asesinados nesa data tralas loitas no 1972. Hoxe celebramos esta data como o Día da Loita da Clase Obreira en toda Galicia.
2. A Fonte da Ranita no peirao de Curuxeiras.
3. A madonna na Villa Soledad na rúa do mesmo no nome no mal chamado barrio de Ultramar.

Asalto ó Castelo

Etiquetas

Asalto ó Castelo, Castelo de Moeche, fachos, Festival Irmandiño, galegos, Galicia, Irmandade, irmandiños, medianoite, Moeche, Revoltas Irmandiñas, Sacho Irmandiño, señores feudais

Faltan poucos días para rememorar as Revoltas Irmandiñas no tradicional Asalto ó Castelo do Festival Irmandiño. Lembrade que terá lugar despois da medianoite o vindeiro sabado 18 de agosto e que pode participar todo o mundo.

A organización repartirá fachos entre os participantes, pero como o presuposto é limitado non temos para todos. Asi que DAREMOS PRIORIDADE NO REPARTO DE FACHOS A AQUELAS PERSOAS QUE VEÑAN ATAVIADAS DE IRMANDIÑOS.

Por outra banda, lembramos que o Asalto é un acto simbólico, que na actualidade no castelo non hai señores feudais nen caciques opresores e que ese día no interior da fortaleza só estarán a xente da pirotecnia e os membros da organización que están a traballar para que todo saia ben e podamos disfrutar dun bó espectáculo (a cargo da empresa dalleQlibras).

 

Así que pregamos a todos os asistentes que teñan un comportamento cívico, evitando incidentes que podan ensombrecer o traballo e o esforzo da Asociación Cultural “Irmandiños de Moeche”.

Xoán Braxe, o artista que nunca pretedeu ser un artista

Etiquetas

artista, Castelo de Moeche, exposición, Ferrol, ferrolán, Festival Irmandiño, galegos, Galicia, homenaxe, Moeche, Monumento ós mártires do 10 de Marzo, mortos, museo, traballadores, Xoán Braxe

E por último pero non menos importante queremos deixar unha breve nota sobre a exposición deste ano, que ampliaremos tanto en palabras coma en imaxes unha vez que nos deleitemos con ela.

O vindeiro día 18 de agosto os asistentes ó XXXIII FESTIVAL IRMANDIÑO, terán a oportunidade de disfrutar da exposición da obra do polifacético artista ferrolán Xoán Braxe no museo do Castelo de Moeche.

Este antigo traballador dos asteleiros é un home sumamente discreto que foxe de calquera notoriedade, polo cal quizaves a súa obra non está suficientemente recoñecida.

Pintor, escultor e debuxante, é autor entre outras obras do “Monumento ós mártires do 10 de Marzo”, unha homenaxe ós dous traballadores mortos polos disparos efectuados pola policía franquista nas manifestacións obreiras de marzo de 1972, inaugurado en 1989.

Consume na barra, Colabora co Festival

Etiquetas

actividades gratuitas, Asalto ó Castelo, camisetas, Castelo de Moeche, cervexa, Colabora co festival, Crise, Festival Irmandiño, galegos, Galicia, grazas, irmandiños, máis de 30 anos de historia, merchandising, Moeche, público, pequeñas empresas e profesionais, veciños de Moeche, xenerosidade da xente

Nestos tempos de crise resulta máis díficil ca nunca apelar á xenerosidade da xente. Miramos ó noso arredor e vemos parados, traballadores que cobran soldos míseros, pequenos empresarios que se deixan a pel para salvar os seus negocios familiares, xubilados que tras anos de partir o lombo traballando cobran pensións ridículas, enfermos que teñen que re-pagar os medicamentos, pais e nais que ven preocupados como a educación dos seus nenos se resinte polos recortes nos orzamentos, xóvenes a quen se lles di que só lles queda a emigración como fúturo,……E pensamos: “¿con que cara  imos pedir a colaboración da xente para salvar o festival?”. Pero non nos queda outro camiño.

A día de hoxe non temos ningunha subveción concedida, algo que tampouco nos colle por sorpresa, porque nestos máis de 30 anos de historia de Festival Irmandiño foron moi poucas as edicións nas que contamos co favor das institucións. Nen sequera nos anos de “vacas gordas”, cando outros eventos recibían decenas de miles de euros (ou millóns das antigas pesetas) en forma de subvencións, cando se despilfarraban os cartos públicos en obxetivos moi dudosos, nen sequera entón a organización do festival contou coa colaboración das institucións. E se puidemos sobrevivir foi grazas á colaboración dos veciños de Moeche, das pequenas empresas e profesionais que nos axudan cos gastos publicitarios e, sobre todo, grazas ó público. Por enésima vez temos que facer ver que a maior parte do presuposto do Festival Irmandiño sae do que recadamos coa venda de merchandising (camisetas, pegatinas, sombreiros, ….) e, sobre todo, da venda de bebida e comida no toldo que a asociación cultural monta na zona dos concertos.

 Así que vos pedimos un pequeno-gran esforzo para que os vindeiros días 17 e 18 de agosto merquedes moitas camisetas e consumades moita cervexa (ou auga ou refrescos ou o que  vos apeteza) e recarguedes as baterías cun estupendo bocadillo mercado no noso toldo. E nós poñemos o traballo e a  ilusión para que a xente difrute de concertos e outras actividades gratuitas e dispoña de zonas de acampada e aparcamentos completamente de balde. 

¡¡Consume na barra, colabora co festival!!

Valoración de pasos dados

Etiquetas

@FestivalMoeche, Castelo de Moeche, Facebook, Festival Irmandiño, irmandiños, Moeche, Twitter, Web

Xa estamos en Agosto… Lume!!

A falta de poucos días para a celebración do noso festival nos gustaría facer unha pausa no camiño para preguntarvos…

que vos parece a nosa inmersión no mundo web e redes sociais?

O festival Irmandiño é un dos mais antigos e continuados… E iso significa un punto de referencia respecto ao resto; pero especialmente neste ano, quixemos somerxernos nas novas tecnoloxías e sacarlle o maior partido que poidamos para que malia a distancia e o tempo sexan moitos os que poidan coñecer e gozar do noso festival e por que non se namorar dos irmandiños, do noso castelo e de Moeche.
Por todo iso pedímosvos que de forma anónima deades un click na enquisa de abaixo na resposta que se facilita e na que máis se asemelle á vosa opinión ou poñades unha nova (é totalmente anónima podémosvolo asegurar).
Así mesmo tamén aceptamos calquera valoración nos comentarios (aquí, Facebook, Twitter) xa que estamos a comezar con isto e calquera opinión nos valerá de moito.

Grazas de antemán.

Xosé Barato, pregoeiro do Asalto ao Castelo

Etiquetas

18 comidas, A miña famosa familia, actor, Asalto ó Castelo, Castelo de Moeche, Cuarto se ascensor, El secreto de Puenteviejo, Festival Irmandiño, galegos, Historias de Galiza, Mar Libre, Matalobos, Mestre Mateo, millor comunicador, Os Atlánticos, Retornos e Doentes, Septembro, TVG

Xosé Barato é unha das caras (e das voces) máis coñecidas do audiovisual galego. Leva participado en varias series emitidas pola televisión autonómica, entre as que destacan “Cuarto se ascensor”, “Os Atlánticos”, “Matalobos” e “Mar libre”. Tamén traballou en “El secreto de Puenteviejo”, unha das series diarias de maior audiencia da televisión estatal.

Pero non só de series de televisión viven os actores. E Xosé ten tamén unha longa carreira no teatro e no cinema. Neste último campo hai que destacar as longametraxes Septembro, 18 comidas, Retornos e Doentes.

Sen emabargo, quizaves o seu rostro e a súa voz resulten familiares a moitos galegos por ter sido o presentador do programa divulgativo Historias de Galiza, labor que o fixo merecedor do  premio Mestre Mateo ó millor comunicador no ano 2007. Voltaría a gañar este prestixioso galardón no 2009 polo programa A miña famosa familia.