Exposicións no Castelo de Moeche

Etiquetas

Asalto ó Castelo, Castelo de Moeche, Eume, Ferrol, Ferrolterra, Festival Irmandiño, galego, galegos, Galicia, Galiza, irmandiños, Moeche, Sacho Irmandiño, señores feudais, traxes tradicionais, Xoán Braxe

Como cada ano o Festival Irmandiño aposta pola cultura e a tradición da nosa terra organizando unha exposición ou acto (segundo os medios cos que conte) no Castelo de Moeche.

Cos medios posibles intentamos apostar polas nosas tradicións e artistas, o ano pasado coa obra da compañía “Carrachanacacha” e a exposición de Xoán Braxe, este ano coa exposición de traxes tradicionais.

Ese día a entrada é gratuíta así que invitamos a maiores e pequenos a que pasen a gozar e imaxinarse dentro das murallas do castelo como se vivía entón, trasladarse a esa época e por un momento darlle ás á imaxinación e sentirse irmandiño pedindo a Andrade todo aquilo arrebátoos.

Deixámosvos cun pequeno video de mostra e esperamos a vosa visita, porque á parte desta haberá máis actividades (para todo tipo de idades e para gozar cos amigos e familia) e todo iso gratuíto.

Vascho perder?

Javier Gutiérrez, pregoeiro do Asalto ó Castelo.

Etiquetas

Aguila Roja, Asalto ó Castelo, Castelo de Moeche, Dias de Futbol, Ferrol, ferrolán, Ferrolterra, Festival Irmandiño, galego, galegos, Galicia, Galiza, irmandiños, Javier Gutierrez Alvarez, Los serrano, Moeche, Sacho Irmandiño, Satur, Un franco 14 pesetas

Javier Gutiérrez, un dos actores galegos de maior éxito fará a lectura do pregón do Asalto ó Castelo.

Javier Gutiérrez, asturiano de nacemento pero ferrolán de adopción, é un actor cunha ampla e exitosa traxectoria teatral e televisiva.  O seu rostro é moi coñecido pola sua participación en varias series de enorme éxito entre as qu

e destacan Los Serrano e sobre todo Aguila Roja onde leva anos interpretando o papel de Satur. No cine ten aparecido en comedias de gran éxito como El asombroso mundo de Borjamari y Pocholo, El otro lado de la cama, Días de fútbol, El penalti más largo del mundo,Torrente 3. O tamén actor Carlos Iglesias deulle un dos papeis protagonitas na súa primeira película como director: Un franco, 14 pesetas.

Pero quizaves onde ten acadado o maior recoñecemento profesional é no teatro, onde obtivo entre outros o prestixioso Premio Max polo seu papel en Argelino, servidor de dos amos. Destacan tamén os seus traballos coa compañía Animalario, como por exemplo Alejandro y Ana. Todo lo que España no pudo ver sobre la boda de la hija del presidente.

Deixámosvos co seguinte vídeo como mostra da súa grande interpretación na serie de Aguila Roja, onde nos permite facernos unha mellor idea de como o tiveron que pasar os nosos antepasados nasrevoltas irmandiñas por estas terras.

Irmandiños Magos de Moeche

Etiquetas

Asalto ó Castelo, Betanzos, Castelo de Moeche, Eume, Ferrol, Ferrolterra, Festival Irmandiño, galegos, Galicia, Galiza, Irmandade, irmandiños, Lume, pregón, revolta popular, Sacho Irmandiño, señores feudais, Xose Barato

Nesta tarde de Reis Magos de Oriente querémosvos deixar un pequeno detalle, o poder rememorar en Xaneiro do noso Festival.

Y… de que forma mellor? Pois este ano temos a posibilidade de visualizar o pregón que deu Xose Barato, que tivo moito atino á hora de expresar o que a maioría pensa (que os tempos das revoltas non están tan lonxe e hai moito Andrade camuflado), e a representación do asalto ao castelo por parte dos rapaces e rapazas de Moeche.

Esperamos que vos guste e sirva para darvos o ánimo que sexa necesario para superar esta costa de xaneiro, que as palabras do noso pregoeiro vos sirvan:

“A por eles, que son poucos e son covardes”

Que agosto está á volta da esquina!

Asalto ó Castelo

Etiquetas

Asalto ó Castelo, Castelo de Moeche, fachos, Festival Irmandiño, galegos, Galicia, Irmandade, irmandiños, medianoite, Moeche, Revoltas Irmandiñas, Sacho Irmandiño, señores feudais

Faltan poucos días para rememorar as Revoltas Irmandiñas no tradicional Asalto ó Castelo do Festival Irmandiño. Lembrade que terá lugar despois da medianoite o vindeiro sabado 18 de agosto e que pode participar todo o mundo.

A organización repartirá fachos entre os participantes, pero como o presuposto é limitado non temos para todos. Asi que DAREMOS PRIORIDADE NO REPARTO DE FACHOS A AQUELAS PERSOAS QUE VEÑAN ATAVIADAS DE IRMANDIÑOS.

Por outra banda, lembramos que o Asalto é un acto simbólico, que na actualidade no castelo non hai señores feudais nen caciques opresores e que ese día no interior da fortaleza só estarán a xente da pirotecnia e os membros da organización que están a traballar para que todo saia ben e podamos disfrutar dun bó espectáculo (a cargo da empresa dalleQlibras).

 

Así que pregamos a todos os asistentes que teñan un comportamento cívico, evitando incidentes que podan ensombrecer o traballo e o esforzo da Asociación Cultural “Irmandiños de Moeche”.

II Roda Irmandiña

Etiquetas

3 probas, Castelo de Moeche, ciclismo, duas rutas, Festival Irmandiño, froitos da terra, II Roda Irmandiña, irmandiños, Moeche, presentación, Regulamento Roda, Roda Irmandiña, ruta en bicileta, Sacho Irmandiño, test cultural

Cando no ano 2011 a Asociación Cultural “Irmandiños de Moeche” se fixo cargo  do Festival Irmandiño pensamos que sería boa idea facer un acto de presentación da 32ª edición aproveitando o magnífico marco que nos proporciona o Castelo de Moeche.  Pero preguntabámonos como poder atraer mais público á presentación, xa que ó ser o primeiro ano que a organizabamos temíamos que o noso poder de convocatoria fose mais ben escaso. E entón a un dos compañeiros da asociación, que é moi aficionado ó ciclismo, propuxo organizar unha ruta en bicileta pero dándolle un toque especial que nos diferenciase doutras probas similares que se organizan pola comarca. Falamos de facer probas de habilidade, preguntas sobre Moeche, sobre o castelo, a nosa historia e o Festival Irmandiño. E así naceu a I RODA IRMANDIÑA, organizada en apenas unha semana. Buscamos unha ruta polas estradas e camiños de Moeche, sinalizamos un percorrido de 15 km con mais imaxinación que medios, ideamos un test cunha ducia de preguntas e pensamos nun par de probas nas que había que demostrar maís humor que habilidade. E a pesares da precipitación obtivemos unha inesperada recompensa: unha gran afluencia de público e de participantes. Pero o millor foi ver que todo o mundo disfrutou dunha tarde de deporte, natureza e diversión. E os sorrisos que vimos na cara dos participantes  e as felicitacións que escoitamos animaronos seguir organizando a Roda Irmandiña.

Este ano organizamos a II Roda Irmandiña o día 23 de xuño.Introducimos algunha novidade, como facer duas rutas, unha de 6 km asequible a persoas de todalas idades e condición física, e outra de 18 km, un pouco mais exixente, para maiores de 14 anos. Nesta última mantemos o mesmo esquema do ano pasado. Os participantes, en equipos de 2 persoas, deberán completar a ruta e enfrontarse a 3 probas e ó temido “test cultural”.

Esperamos repetir o éxito do ano pasado. Así que só vos podemos decir que von animedes a participar. Non vos podemos prometer grandes premios, que o noso presuposto non da para grandes alegrías. Pero tódolos participantes recibirán un pequeno agasallo e os gañadores faranse co “Sacho Irmandiño”, mítica arma esgrimida polos irmandiños do noso anagrama e tradicional ferramenta coa que arrancar os froitos da terra.

Deixámosvos este vídeo como mostra do ben que nolo pasamos o ano pasado… II Roda Irmandiña Moeche 2012 

Vascho perder? Aínda estás a tempo!  Regulamento Roda 2012