XI FESTIVAL IRMANDIÑO
17, 18 e 19 de agosto de 1990
Foi esta unha edición moi especial por dous motivos:
-practicamente a totalidade do movemento asociativo de Moeche participa na organización do festival
-os veciños de veciñas de Moeche, guiados por Paco, inesquecíbel mestre do Colexio Público San Ramón, representan o Asalto ó Castelo con traxes, ferramentas e instrumentos musicais da época, en moitos casos cofeccionados por eles mesmos. Os asaltantes partían de varios picos que enmarcan o val de Moeche e a súa vistosidade quedou na memoria de todos os asistentes.
O venres 17 ten lugar a primeira xornada da Feira de Artesanía e Etnografía no recinto feiral de San Ramón e pola noite os asistentes poden disfrutar no castelo do concerto da Banda Xuvenil do Padroado da Cultura do Concello de Narón e dunha representación do Taller de Teatro dese mesmo concello.
O sábado ten lugar a segunda xornada da Feira de Artesanía e Etnografía onde, ao longo de todo o día, o público pode disfrutar das actuacións de diversos grupos de baile tradicional: ACOUGO (da A.VV. de A Graña-Ferrol), Grupo de Baile da A.VV. de Serantes, GAMELAS E ANDURIÑAS e ATURUXO.
Pola serán teñen lugar as actividades no campo de Melle, comenzando coa tradicional sardiñada e seguindo coas actuacións de : RIANDOLA, ATURUXO, LUAR NA LUBRE, XOCALOMA E LABANDA. O punto álxido ten lugar ás 12 da noite, cando os veciños fan a representación do Asalto ó Castelo.
O domingo clausurase a Feira de Artesanía e Etnografía coas actuacións de varios grupos de música e baile tradicional da comarca de Ferrolterra: RUEIROS, NOS, Escola de Baile e Gaitas de Mugardos, Escola de Baile e Gaitas de Narón. O grupo RIANDOLA pon o peche a unha edición memorabel do Festival Irmandiño.
Organizaron:
-A.VV. “CASTELO DE MOECHE”
-Concello de Moeche
-Agrupación Xuveníl RIANDOLA,
-Sociedade Recreativa e Cultural “El Fenix”
-APA do Colexio Público San Ramón de Moeche
Colaboraron: Deputación Provincial de A Coruña e Consellería de Industria da Xunta de Galicia
Festival Irmandiño de Moeche 