XVII FESTIVAL IRMANDIÑO
16 e 17 de agosto de 1996
No seo da asociación xorde o Colectivo de Teatro “O Castelo”, integrado por afeccionados, que porá en escea a obra OS IRMANDIÑOS de Daniel Cortezón (premio Santiago Rusiñol do X Festival de Teatro, Sitges 1977) baixo a dirección de Roberto Casteleiro. Esta representación vai ter unha grande repercusión mediática, chegando a ser noticia nos informativos de TVE e numerosas emisoras de radio, tanto galegas como estatais. A obra representada polo Colectivo O Castelo será o acto central do venres 16, xornada que se completará cunha conferencia de Fernando Dopico Blanco sobre “Os irmandiños e o castelo de Moeche” e o concerto do Grupo de Metais de Santa Cecilia.
Durante o sábado 17 podese visitar no recinto do castelo unha mostra de artesanía e pintura. Ao chegar o serán, os asistentes poden disfrutar das actuacións de : ALXIBEIRA, RAPARIGOS, PAPAQUEIXOS, FAUBOURG DE BOIGNARD, NA LÚA e CEMPÉS.
Os actos do XVII Festival Irmandiño completanse coa convocatoria do Primeiro Premio Irmandiños de Investigación Histórica, dotado cun premio de 100.000 pesetas a publicación do traballo gañador na revista Concepción Arenal.
Organizou: Asociación Cultural “Castelo de Moeche”
Colabararon: Concello de Moeche, Obra Social Caixa Galicia, AiE, Deputación Provincial de A Coruña Consellería de Familia, Muller e Xuventude da Xunta de Galicia.
Festival Irmandiño de Moeche 