II FESTIVAL IRMANDIÑO
22 de agosto de 1981
O recinto de castelo quedou moi pequeno para acoller o público que acudira á primeira edición. Traladouse o escenario a unha zona próxima ao castelo á que se accededía por unhas pontes de madeira feitas polos veciños e que atravesaban o antigo foxo da fortaleza.
Abriuse o festival a outras expresións da nosa cultura. No interior do castelo houbo exposicións de cerámica de Buño, discos, libros, tapices, debuxos e fotografía. Pero o máis salientábel foi a mostra de aparellos de labranza, cociña, fiadura, ….achegados pola veciñanza asi como vestixios dalgúns castros.
O debuxante galego SIRO,fixo a presentación do festival e da súa intervención cómpre destacar estas palabras: “o Festival Irmandiño ten unha trascendencia que excede o puramente folclórico. É un acto cultural no sentido amplo e profundo desta verba, é un acto de afirmación e recuperación cultural”.
De seguido actuaron: RETRINCOS, BUXOS VERDES, ALEN, BRÉTEMA, SARAIBAS e MILLADOIRO.
Organizou: ASOCIACIÓN DE VECIÑOS “CASTELO DE MOECHE”
Festival Irmandiño de Moeche 